Cîhan Bûyte Cezîre

by Hecî Qadirê Koyî

Cîhan bûyte cezîrey behrî giryem
Be bê buhtan eto Zîn û emin Mem

Le cînsî ademî wek to nezawe
Perî rûyek le Adem ta be xatem

Emin şêx im, serim şax e, henasem
Nesîm e, dîdekanî mêzerim tem

Dellên me’şûq e dête ser serînim
Dezanim wa nîye wellahu e’lem

Lebî Zehhakî fermûy marî zullfim
Cemî kelley keye, mûçey serî cem

Mellê kezzab e sofî, sax e wa’îz
Le lay min wek yek in bê keyf û bê kem

Murîdî sadiq û şêxî keramet
Herîsî qanî’ e û ‘uşşaqî bêxem

Sewadî e’zemî Qunstentenîyye
Gelê bênawî kirde sedrî e’zem

Be destûr û be qanûn û nîzamî
Xuda way kird ke sûrî kird be matem

Kurranî dû hewê n dinya û ‘uqba
Mîsalî dakyan in ew le gell em

Be yek naçin Reqîb û Hacî Qadir
Xudaya ew rezîl ke û em mukerrem